சிவய.திருக்கூட்டம் sivaya.org Please set your language preference by clicking below languages link |
This page in
Tamil
Hindi/Sanskrit
Telugu
Malayalam
Bengali
Kannada
English
ITRANS
Marati
Gujarathi
Oriya
Singala
Tibetian
Thai
Japanese
Urdu
Cyrillic/Russian
Audio: https://www.youtube.com/watch?v=Mr5xSIsFphI
5.038
திருநாவுக்கரசர்
தேவாரம்
திருக்கடவூர் மயானம் - திருக்குறுந்தொகை அருள்தரு மலர்க்குழல்மின்னம்மை உடனுறை அருள்மிகு பிரமபுரீசுவரர் திருவடிகள் போற்றி
குழை கொள் காதினர், கோவண ஆடையர்,
உழையர்தாம்-கடவூரின் மயானத்தார்;
பழைய தம் அடியார் செய்யும் பாவமும்
பிழையும் தீர்ப்பர், பெருமான் அடிகளே.
[ 1]
உன்னி வானவர் ஓதிய சிந்தையில்
கன்னல், தேன் கடவூரின் மயானத்தார்;
தன்னை நோக்கித் தொழுது எழுவார்க்கு எலாம்
பின்னை என்னார், பெருமான் அடிகளே.
[ 2]
சூலம் ஏந்துவர், தோல் உடை ஆடையர்,
ஆலம் உண்டு அமுதே மிகத் தேக்குவர்,
காலகாலர்-கடவூர் மயானத்தார்;
மாலை மார்பர், பெருமான் அடிகளே.
[ 3]
இறைவனார், இமையோர் தொழு பைங்கழல்
மறவனார்-கடவூரின் மயானத்தார்;
அறவனார், அடியார் அடியார் தங்கள்
பிறவி தீர்ப்பர், பெருமான் அடிகளே.
[ 4]
கத்து காளி கதம் தணிவித்தவர்,
மத்தர்தாம்-கடவூரின் மயானத்தார்;
ஒத்து ஒவ்வாதன செய்து உழல்வார், ஒரு
பித்தர்காணும், பெருமான் அடிகளே.
[ 5]
Go to top
எரி கொள் மேனி இளம்பிறை வைத்தவர்,
கரியர்தாம்-கடவூரின் மயானத்தார்;
அரியர், அண்டத்து உளோர் அயன் மாலுக்கும்;
பெரியர்காணும், பெருமான் அடிகளே.
[ 6]
அணங்கு பாகத்தர், ஆரண நால்மறை
கணங்கள் சேர் கடவூரின் மயானத்தார்;
வணங்குவார் இடர் தீர்ப்பர், மயக்கு உறும்
பிணம் கொள் காடர் - பெருமான் அடிகளே.
[ 7]
அரவு கையினர், ஆதி புராணனார்-
மரவு சேர் கடவூரின் மயானத்தார்;
பரவுவார் இடர் தீர்ப்பர், பணி கொள்வர்,
பிரமன் மாற்கும் பெருமான் அடிகளே.
[ 8]
Thevaaram Link
- Shaivam Link
Other song(s) from this location: திருக்கடவூர் மயானம்
2.080
திருஞானசம்பந்த சுவாமிகள்
திருக்கடைக்காப்பு
வரிய மறையார், பிறையார், மலை
Tune - காந்தாரம்
(திருக்கடவூர் மயானம் பிரமபுரீசுவரர் மலர்க்குழல்மின்னம்மை)
5.038
திருநாவுக்கரசர்
தேவாரம்
குழை கொள் காதினர், கோவண
Tune - திருக்குறுந்தொகை
(திருக்கடவூர் மயானம் பிரமபுரீசுவரர் மலர்க்குழல்மின்னம்மை)
7.053
சுந்தரமூர்த்தி சுவாமிகள்
திருப்பாட்டு
மரு ஆர் கொன்றை மதி
Tune - பழம்பஞ்சுரம்
(திருக்கடவூர் மயானம் பிரமபுரீசுவரர் மலர்க்குழல்மின்னம்மை)
This page was last modified on Sun, 31 Mar 2024 02:36:43 -0400